“Qərbin regionda asayişi bərpa etmək cəhdləri onların düşündüyü kimi yaxşı heç nəyə gətirib çıxarmadı”.

Missiya.Az xəbər verir ki, bu sözləri Rusiya xarici işlər nazirinin müavini Mixail Qaluzin Moskvada keçirilən II Rusiya-Ermənistan İctimai Forumunda çıxışı zamanı deyib.

“Heç kimə sirr deyil ki, amerikalılar və avropalılar öz sərmayələrini anti-Rusiya sanksiyalarına qoşulmaqla şərtləndirirlər və eyni zamanda ikinci dərəcəli məhdudiyyətlər tətbiq etməklə hədələyirlər ki, bu da tamamilə qeyri-qanunidir”, - deyə siyasətçi vurğulayıb.

Qaluzin qeyd edib ki, onlar hərbi proqramlar və təlimlər vasitəsilə Cənubi Qafqazda hərbi mövcudluğunu gücləndirməyə və sərhədə nəzarət etməyə çalışırlar:

“Onların məqsədi münaqişə edən tərəfləri barışdırmaq deyil. Moskvanı sıxışdırmaq məqsədi daşıyan bu xətt artıq Ermənistan da daxil olmaqla, yeni problemlərə və çağırışlara gətirib çıxarıb. Rusiya Ermənistan dövlətçiliyinin məhv edilməsində deyil, Ermənistanın çiçəklənməsində maraqlıdır”, - deyə siyasətçi əlavə edib.

Daşqın Həsənov
Missiya.Az