"Türkiyə Azərbaycanın ev sahibliyi edəcəyi Birləşmiş Millətlər Təşkilatının (BMT) İqlim Dəyişikliyi üzrə Çərçivə Konvensiyasının 29-cu Tərəflər Konfransına (COP29) Prezident Rəcəb Tayyib Ərdoğan, hökumət üzvləri, ictimai və qeyri-hökumət təşkilatlarının daxil olduğu nümayəndə heyəti ilə qatılacaq , ekspertlər və akademiklərin iştirakı təmin ediləcək".

Missiya.Az xəbər verir ki, bunu Türkiyənin Azərbycandakı səfiri Cahit Bağcı "Anadolu" agentliyinə müsahibəsi zamanı deyib.

Onun sözlərinə görə, Azərbaycan COP29-a yüksək templə hazırlaşır.

Türkiyənin bu cür tədbirlərə hazırlıqlı və geniş iştirak etdiyini bildirən Bağçı: "Türkiyə Paris razılaşmasına tərəf olmuş bir ölkədir. Hazırda ölkəmizdə istifadə edilən elektrikin 55 faizdən daha çoxu “yaşıl enerji”dir. Tullantıların enerjiyə çevrilməsində böyük irəliləyiş əldə etmişik. Bu sahədə təcrübəmiz var və biz COP29-u bu təcrübəni paylaşmaq üçün bir platforma kimi görürük. COP29 Azərbaycana daha da güc qatacaq", - səfir əlavə edib.

Zərintac Mayisqızı
Missiya.Az