Meyvə yemək insan sağlamlığına əvəzsiz faydalar bəxş edir. Onlardan biri də əncirdir ki, tərkibində kalium, kalsium, antioksidantlar, A, E və K vitaminləri var. Həmçinin, antioksidantlarla zəngin olan qurudulmuş əncir də immuniteti gücləndirir, orqanizmin xəstəliklərə qarşı müqavimətini artırır.

Ümumiyyətlə, üstünlük verilən quru xurma ilə yanaşı, qurudulmuş əncirlə də şirin dadları əvəz etmək mümkündür. Baxmayaraq ki, təzə əncirin tərkibində quru əncirdən daha çox vitamin və mineral mövcuddur, ancaq elə təzə əncirin faydaları qədər əncir qurusunun xeyirləri də mövcuddur. Habelə o qəbizliyin müalicəsində təzə əncirdən daha effektivdir.

Qurudulmuş əncir sərin və quru yerdə olmalıdır. Soyuducuda saxlanılırsa, bir il ərzində istehlak edilməsi məsləhət görülür. Meyvələr quruduqda şəkərin miqdarı artdığından quru əncirin şəkəri və kalorisi daha yüksəkdir. Həmin səbəblə daha orta dərəcədə istehlak edilməlidir.

Tərkibindəki şəkərin yüksək olması və qanda şəkərin qəfil artması səbəbiylə diabet xəstələrinin təzə və ya əncir qurusundan uzaq durmaları və istehlak ediləcəksə 1 ədəddən çox əncir yeməmələri tövsiyə olunur.

Zərintac Mayisqızı
Missiya.Az