İnsanlarda dörd qan qrupu mövcuddur: I(O), II(A), III(B) və IV(AB). Qan qrupu insanın qırmızı qan hüceyrələrində olan müəyyən zülal və antigenlərin birləşməsini təyin edən bir xüsusiyyətdir. 100 yaşa qədər yaşayan uzunömürlü insanların həyatında qan qrupu faktoru böyük rol oynayır. Alimlər maraqlı araşdırma aparıblar. Belə nəticəyə gəliblər ki, 4 qan qrupundan sadəcə birinə aid insanlar daha uzun ömürlü olur. Söhbət I qrupdan gedir. Uzun zamandır ki, bununla bağlı müzakirələr edilirdi.

Məlum olub ki, sözügedən qrupdakı şəxslərdə iltihab proseslərinin daha az aktivliyi müşahidə edilir və bu da müxtəlif xəstəliklərə qarşı bədəndə daha yüksək müqavimət yaradır. Birinci qan qrupu bəşəriyyətdə ən qədim və ən geniş yayılmış qan qrupdur.

Həmin qrupa aid insanlar güclü immunitetə malikdir və infeksiyalara daha az məruz qalırlar. Onlarda həmçinin tromboz və ürək-damar xəstəlikləri riski azdır. O cümlədən, qanları universal donorluq üçün əlverişlidir.

Zərintac Mayisqızı
Missiya.Az