Bəzi insanlar evdə olduqları zaman gündüz yata bilməməkdən şikayətlənir. Digərləri isə çox asanlıqla yuxuya gedə bilir, saatlarla yatır və istirahət etdiklərini düşünürlər. Əslində bu bir sıra fəsadlara yol açır.

Mütəxəssislər bildirirlər ki, gündüz yuxusu sakit və qaranlıq yerdə aparılmalı, 20-30 dəqiqədən çox olmamalıdır, əks halda güc əvəzinə yorğunluq, zəiflik, tükənmə hissi və baş ağrısı müşahidə edilir. Düzgün qaydada olan yuxu əzələlərin rahatlaması, yorğunluğun azalması, diqqətin artması, daha sürətli reaksiya müddəti və yaxşı yaddaş, gözəl əhvali-ruhiyyə yaradır.

Əgər gündüz yuxusu xroniki yuxu pozğunluqları, ya da narkolepsiya (qısamüddətli yuxu tutmalarının vaxtaşırı təkrarı) kimi baş verirsə, müəyyən problemlər əmələ gətirir.

Beləliklə, yuxu hormonu melatonin (epifizin ən əsas hormonu, gecə və gündüz sirkad ritmini təyin edir) istehsalını poza bilər. Sözügedən hal "yuxu ətaləti" adlanır və çox vaxt 15 dəqiqədən bir saata qədər davam edir. Üstəlik bu, gecə yatmaqda da əngəl törədir, rejimin ciddi şəkildə pozulması ilə nəticələnir.

Zərintac Mayisqızı
Missiya.Az