Su içməyin insan orqanizmi üçün nə qədər faydalı olduğunu bilirik. Əlbəttə, qədərində içilərsə...

Araşdırmalara əsasən su dəridə nəmləndirməni təmin edir və qırışlara qarşı effektivdir, bədən istiliyini tənzimləyir, toksinlərin çıxarılmasına yardımçı olur, saçları gözəlləşdirir və immun sistemimizi möhkəmləndirir. Böyrəklər, bağırsaqlar üçün də olduqca xeyirlidir və kilo verməyə də kömək edir.

Amma həddindən çox istehlak olunduqda su zəhərlənməsi, sidik yolu infeksiyaları və mineral çatışmazlıqlar kimi problemlər ortaya çıxarır. Mütəxəssislər xüsusilə ac qarına su içməyi məsləhət görür, o cümlədən valideynlərə çağırış edirlər ki, uşaqlar günü 1 stəkan su ilə açsınlar.

Bir çox həkimlər deyir ki, böyrək çatışmazlığından əziyyət çəkənlərin sayında artım var. Bu da kifayət qədər maye qəbul etməmələri ilə əlaqədardır. Su içmək vərdişi kiçik yaşlardan təbliğ olunmalıdır.

Lakin vurğuladığımız kimi normada olmasına xüsusi diqqət yetirmək vacibdir. 

Zərintac Mayisqızı
Missiya.Az