“Hazırda Ukraynanın NATO-ya qoşulması perspektivləri alyans daxilində mübahisəli məsələ olaraq qalır və bu məsələ ilə bağlı müxtəlif fikirlər mövcuddur”.

Missiya.Az xəbər verir ki, bunu Türkiyənin xarici işlər naziri Hakan Fidan Kiyevdə ukraynalı həmkarı Andrey Sibiqa ilə keçirdiyi mətbuat konfransında deyib.

O bildirib ki, NATO və Ukrayna məsələsi alyans daxilində çox ciddi müzakirə mövzusudur:

“Müzakirələr uzun müddətdir ki, gedir və onların müxtəlif parametrləri var. Davam edən müharibənin reallığı da nəzərə alınır. Bu, alyansa üzv ölkələrin müxtəlif mövqelərdən yanaşdığı məsələdir. Təbii ki, bu məsələ ilə bağlı danışıqlar NATO çərçivəsində davam etdiriləcək", - deyə siyasətçi vurğulayıb.

Fidan qeyd edib ki, NATO müdafiə ittifaqıdır, çəkindirmə ilə məşğul olan bir təşkilatdır. Ukraynada sülh, azadlıq və sabitlik üçün NATO-nun hansı mövqeyi daha əlverişli olacaq? Bunu birlikdə müzakirə etmək lazımdır. Burada Avropanın, Amerikanın və Türkiyənin mövqeyi var və bu üç mövqe bir növ birləşməlidir.

Daşqın Həsənov
Missiya.Az