“Ermənistanın baş naziri Nikol Paşinyanla müttəfiq olan yerli qüvvələr dərk etməlidirlər ki, müttəfiq olmaq ancaq zəmanətdir”.

Missiya.Az xəbər verir ki, bunu “Hraparak” qəzetinin müxbiri Hamsik Babacanyan yazıb.

O, bildirib ki, Paşinyanla hökuməti formalaşdıran qüvvələr qəbul etməlidirlər ki, ölkəni onunla birlikdə təhvil vermək məsuliyyəti tam onların üzərinə düşür.

Babacanyan qeyd edib ki, onlar düşünürlər ki, Nikol Paşinyan olmasa, bu, onlara pis olacaq və ona görə Nikoldan bərk yapışırlar.

“Ölkə ağrıdan inləyəndə, torpaq 18 yaşlıların qanı ilə suvarılanda, hər bir erməni ailəsində matəm olanda, lider velosipedi yəhərləyir və deyir: “Yaşasın! Velosiped”, - deyə jurnalist vurğulayıb.

Onun sözlərinə görə, hazırda Ermənistanın dövlətçiliyi fəlakətlə üz-üzədir.

Daşqın Həsənov
Missiya.Az