"Türkiyənin etibarsız olduğu bəyanatını qəti şəkildə rədd edirik. Belə bir şey yoxdur”.

Missiya.Az xəbər verir ki, bu sözləri Türkiyənin milli müdafiə naziri Yaşar Gülər ABŞ-nin “Politico” nəşrinə müsahibəsində deyib.

O bildirib ki, 32 müttəfiqin bir yerdə olduğu bir mühitdə hər mövzuda eyni fikirlərin olması düşüncəsi ağlasığmazdır:

“Bəzi ölkələr belə bir fikir yaratmağa çalışırlar. Türkiyə indiyə qədər (Rusiya - Ukrayna) müharibənin hər iki tərəfini yüksək səviyyəli danışıqlarda bir araya gətirə biləcək yeganə ölkə oldu. Biz Qara dənizin strateji döyüş meydanına çevrilməsinə icazə verməyəcəyik".

Nazir onu da əlavə edib ki, Avropa İttifaqı (Aİ) üzvlərinin NATO-nun “təhlükəsizlik çətiri”ndən kənarda alternativlər axtarması ittifaq daxilindəki həmrəyliyə ziyandır.

“Avropa-Atlantik məkanında ən təsirli təhlükəsizlik təşkilatı NATO-dur. Avropa öz təhlükəsizlik imkanlarını gücləndirməlidir. Amma başqa bir təşkilata ehtiyac yoxdur”, - Gülər vurğulayıb.

Zərintac Mayisqızı
Missiya.Az