İranın yeni seçilmiş (9-cu) Prezidenti Məsud Pezeşkianın andiçmə mərasimi iyulun 30-da olacaq.

Missiya.Az xəbər verir ki, bunu “Tasnim” agentliyinə açıqlamasında İran parlamentinin üzvü Moctaba Yusefi deyib.

Müctəba Yusifinin sözlərinə görə, andiçmə mərasimində İran Ali Məhkəməsinin sədri, Konstitusiya Şurasının üzvləri, Məhkəmə Sisteminin rəhbəri və digər yüksək səviyyəli siyasi və hərbi rəsmilər iştirak edəcək.

O qeyd edib ki, parlament qanununda yeni prezidentin andiçmə mərasimindən sonra iki həftə ərzində öz planlarını və nazirlərini təqdim etməli olduğu nəzərdə tutulub. İran parlamentinin üzvü onu da bildirib ki, qanunvericilər daha sonra etimad səsverməsi ilə bağlı yekun iclas keçirməzdən əvvəl bir həftə ərzində təklif olunan nazirlərin səlahiyyətlərini müzakirə edəcəklər.

Xatırladaq ki, Pezeşkian martın 1-də keçirilən parlament seçkilərində ölkənin şimal-qərbindəki Təbriz şəhərinin nümayəndəsi kimi parlamentə deputat seçilib.

Zərintac Mayisqızı
Missiya.Az