ABŞ prezidenti Co Baydenin administrasiyası Ukrayna Silahlı Qüvvələrinə Rusiyanın bütün sərhədyanı rayonlarına ABŞ-dən verilmiş silahlardan istifadə etməklə, ilk növbədə Ukraynanın Sumı vilayəti ilə sərhədi boyunca zərbələr endirmək səlahiyyəti verib. 

Missiya. Az xəbər verir ki, bu barədə “Politico” anonim amerikalı rəsmilərə istinadən məlumat yayıb. Ağ Ev-dən bildirilib ki, ilkin icazə yalnız Xarkov vilayətinə bitişik ərazilərə aiddir. Rəsmilər ABŞ prezidentinin milli təhlükəsizlik üzrə müşaviri Ceyk Sallivanın Ukrayna Silahlı Qüvvələrinin istənilən sərhəd ərazisinə Amerika silahları ilə zərbələr endirməsinə icazə verməsi ilə bağlı bəyanatını şərh ediblər. Ağ Evin sözçüsü iyunun 18-də PBS telekanalına müsahibəsində bildirib ki, Rusiya Silahlı Qüvvələrinin Sumı vilayətinə hücum edəcəyi təqdirdə, Ukrayna Silahlı Qüvvələri ötürülən silahlardan sərhədyanı ərazilərə zərbələr endirmək üçün istifadə edə bilər. 

Elcan 
Missiya.Az