“Rusiya və Özbəkistan arasında iqtisadi əlaqələrin inkişaf tempi heyranedicidir”.

Missiya.Az “RİA Novosti”yə istinadən xəbər verir ki, bunu Daşkənddə səfərdə olan Rusiya prezidenti Vladimir Putin özbəkistanlı həmkarı Şavkat Mirziyoyevlə görüşü zamanı deyib.

“İkitərəfli ticarət dövriyyəsi yaxşı templə artır. Onu da qeyd etmək istərdim ki, Sizin mövqeyiniz sayəsində birbaşa investisiyalar üçün əlverişli şərait yaradılır. Özbəkistana birbaşa Rusiya investisiyaları isə ildən-ilə artır”, – deyə siyasətçi vurğulayıb.

Rusiya lideri qeyd edib ki, Özbəkistan Prezidenti və hökumətinin səyləri sayəsində ticarət-iqtisadi əlaqələr şaxələnir.

Putin Özbəkistanı Rusiyanın strateji tərəfdaşı və etibarlı müttəfiqi adlandırıb. 

O, iki ölkə arasında münasibətlərin yüksələn xətlə, bərabərlik və qarşılıqlı maraqların nəzərə alınması prinsipləri əsasında inkişaf etdiyini vurğulayıb.

Daşqın Həsənov
Missiya.Az