Rusiyanın hansı sanksiyalarla üzləşdiyi çoxlarına məlumdur. Həm ixracatı, hən də idxalı Qərbin ciddi basqısı altındadır.  Dünya bazarına çıxış imkanları ciddi şəkildə məhdudlaşdırılıb. Ümumiyyətlə, hər hansı əlaqəsi yoxdur. Dünyanın az qala bütün inkişaf etmiş ölkələri Rusiya ilə əlaqələri kəsiblər. Həm dövlət resursları, həm də ayrı-ayrı məmur və iş adamlarının xaricdəki vəsaitlərinə faktiki olaraq həbs qoyulub. Qərbin, yəni NATO-nun bütün silahları Ukrayna cəbhəsində Moskvaya  qarşı birləşib. Rusiyanın yerinə, məsələn, Fransa olsaydı çoxdan canı çıxmışdı.

Dünyaca məşhur həşəmətli politoloqların verdiyi proqnozlar yadınıza gələr yəqin. Biri Rusiyaya 2 ay vaxt qoyurdu, biri 3 ay... Yəni bütün proqnozlar belə idi ki, Rusiya qısa müddətdə tamamilə çökəcək. Hələ Putinə ölüm tarixləri də "hesablanırdı"...

İllər keçib, Rusiya ayaqdadır, bazarları da, iqtisadiyyatı da, can verdiyi deyilən pulu da yerindədir. Geosiyasi müstəvidəki iddialarının heç birindən geri çəkilməyib.Vladimir Vladimiroviçin özü də cağbacaq iş başındadır... Və deyəsən dünyada bir tək Azərbaycan Prezidenti nəyin necə olacağını dəqiq hesablayıb.Bütün dünya başqa cür düşünüb, O başqa cür və hazırkı reallıq kimin daha ağıllı olduğunu göstərir.

Nə xoş bizə ki, həmin ağıllı adam Azərbaycanın Prezidentidir!

Nicat Dağlar