“Rusiyanın gələcəyi arxa cəbhədə və döyüş bölgəsində artıq özünü sübut etmiş xüsusi hərbi əməliyyatın qəhrəmanlarına təhvil verilə və etibar edilə bilər. Bölgələrin, müəssisələrin və layihələrin idarə edilməsində aparıcı mövqeləri məhz onlar tutmalıdır”.

Missiya.Az “TASS”a istinadən xəbər verir ki, bunu Rusiya prezidenti Vladimir Putin Federal Məclisə müraciətində deyib.

"Onlar həm gənclərin təhsili və tərbiyəsi sistemində, həm də ictimai birliklərdə, dövlət şirkətlərində, biznesdə, dövlət və bələdiyyə idarələrində lider mövqe tutmalı, onlara rəhbərlik etməlidirlər”, - deyə siyasətçi bildirib.

Putin qeyd edib ki, həyatda əsl qəhrəmanlar və vətənpərvərlər bəzən olduqca təvazökar və təmkinli olurlar. Onlar uğurları ilə öyünmürlər, yüksək səslə şüarlar və sözlər səsləndirmirlər. Amma tarixin dönüş nöqtələrində məhz belə insanlar önə çıxır və məsuliyyəti öz üzərinə götürür. Rusiyanın gələcəyi belə insanlara həvalə oluna bilər.

Daşqın Həsənov
Missiya.Az