"Azərbaycan Respublikasının Prezidenti cənab İlham Əliyevin  Münxen Təhlükəsizlik Konfransı çərçivəsində müxtəlif formatlarda keçirdiyi görüşlər, görüşlərin intensivliyi dövlət başçımızın  nüfuzunun və onun şəxsiyyətinə böyük hörmətin göstəricisidir". 

Bunu Missiya.Az-a açıqlamasında Türk Ağsaqqalları Birliyi - TAİB-in təsisçisi, Missiya Media Qrupunun rəhbəri Ramin Əhmədov deyib.

R.Əhmədov qeyd edib ki, görüşlər barədə bir-birini əvəz edən xəbərləri izlədikcə cənab Prezidentin sıx qrafiki barədə aydın təsəvvürlər yaranır:

"Prezident İlham Əliyevlə dövlət və hökumət başçıları, beynəlxalq təşkilatların və özəl sektorun nümayəndələri görüşür. Bu onu göstərir ki, Azərbaycanla əməkdaşlıq etmək istəyənlər həddindən artıq çoxdur.

Bu həm də onu göstərir ki, Prezident İlham Əliyev Azərbaycanın iradəsini və milli maraqlara söykənən siyasətini Qərb dairələrinə qəbul etdirib.

Çox haqsızlıqlar oldu dövlətimizə, ölkəmizə qarşı, amma sonda İlham Əliyev hər kəsə anlatdı ki, Azərbaycanla əməkdaşlıq, dostluq etmək lazımdır. Qərəzli davranışlar, hədələyici ritorika Azərbaycan üçün keçərli deyil."

Elcan
Missiya.Az