“Fransanın etdikləri sadəcə təxribatdır. Paris bilməlidir ki, Ermənistana yaxşılıq etmir, əksinə, pislik edir”.

Missiya.Az “STAR”a istinadən xəbər verir ki, bunu Türkiyə prezidenti Rəcəb Tayyib Ərdoğan Yunanıstan səfərindən qayıdarkən təyyarədə jurnalistlərin suallarını cavablandırarkən deyib. 

Fransa olaraq onlar əvvəllər Ermənistana çoxlu dəstək veriblər. Paris İrəvanı yenidən təxribata çəkir. Zirehli daşıyıcıları göndərsəniz nə olardı? Buradan nəticə əldə edə bilməzsiniz. Çünki indi öz ərazisinin işğalına son qoyan Azərbaycan var. Qarabağın nəticəsi göz qabağındadır. İndi bu hərbi maşınları göndərəcəksən, nə alacaqsan? Əvvəllər Ermənistana göndərilən tanklar, toplar və tüfənglər Azərbaycanın əlinə keçdi. Fransa sadəcə olaraq, Ermənistanı aldadır. İrəvan administrasiyası son təcrübələrindən dərs götürməli və bu təxribatlara əl atmamalıdır”, - deyə siyasətçi vurğulayıb.

Ərdoğan qeyd edib ki, sülh fürsətindən istifadə edib Ermənistanı çaşdıran ölkələrin toruna düşməmək İrəvanın marağında olmalıdı. Azərbaycanla sülhə əsaslanan münasibətlər Ermənistan üçün ən yaxşı variantdır. Ermənistanı silahlandıran ölkələr qısa zamanda İrəvanı tək qoyacaqlar.

Daşqın Həsənov
Missiya.Az