Məşhur müğənni Alla Puqaçova Rusiyaya qayıdıb. 

Missiya.Az xəbər verir ki, bu barədə Rusiya Telegram kanalları  məlumat yayıb.  Məlumata görə, 74 yaşlı sənətçi cümə axşamı, noyabrın 2-də axşam saatlarında Pskov vilayətindəki sərhəd keçid məntəqəsindən ölkəyə daxil olub. 

Puqaçovanın qayıdışının şahidləri qeyd ediblər ki, məşhur müğənni sərhədi keçərkən üzünü şərflə gizlədib. Daha sonra o, qara rəngli “Toyota Camry” markalı avtomobilə əyləşərək yola düşüb. Həmçinin qeyd olunur ki, Puqaçova Rusiyaya tək gəlib - əri, şoumen və aparıcı Maksim Qalkin (Rusiya Federasiyası Ədliyyə Nazirliyi tərəfindən xarici agentlərin reyestrinə daxil edilib) onun yanında olmayıb.

Xatırladaq ki, Puqaçova ailəsilə birgə ötən ilin sentyabr ayından İsraildə yaşayır. Bu gedişdən əvvəl Müğənni və əri Rusiyanın Ukrayna ərazisinə çüdaxiləsini sərt tənqid edirdi. Məşhur cütlüyün ölkəni tərk etməsindən sonra Rusiyada onlara qarşı kampaniya başladı. Puqaçova ilə əri Rusiyaya xəyanətdə ittiham olunurdular.

Elcan

Missiya.Az