Rusiyada 16 yaşlı qız valideynləri ilə birlikdə paytaxtdakı kollecə daxil olmaq üçün Moskvaya köçüb və nəticədə aldadılaraq fahişəliyə cəlb edilib. 

Tələbə Telegram-da bir gənclə tanış olub və onu görüşə dəvət edəcəyini gözləsə də, oğlan əvvəlcə qızdan intim fotolar göndərməsini istəyib. Bundan sonra həmin oğlan  yeniyetməni şantaj etməyə başlayıb. Ona 20 min rubl verməsə, fotoşəkillərini yayacağına inandırıb.

Qızın belə bir pulu olmadığından, gənc oğlan ona  işləməyi təklif edib. O, azyaşlını üç yetkin kişi ilə görüşməyə və pul müqabilində onlarla yatmağa məcbur edib, pulu isə özünə götürüb. Müştərilər qızın 18 yaşından kiçik olduğunu bilməyiblər. Bundan sonra oğlan qızın  ona 300 min rubl borcu  olduğunu deyib və bildirib ki, işləməyə davam etməlidir.

Nəticədə yeniyetmə qız  hər şeyi valideynlərinə danışıb. İndi polis gənc oğlanı axtarır.  Ona qarşı azyaşlının fahişəliyə cəlbetmə və hədə-qorxu ilə pul tələb etmə maddəsi ilə cinayət işi açılıb.

Elcan
Missiya.Az