"Bu gün mühüm çağırış sülh prosesinin bir neçə əsas prinsip əsasında davam etməsini təmin etməkdir".
Missiya.Az Ermənistan mediasına istinadən xəbər verir ki, bunu oktyabrın 4-də Ermənistanın baş naziri Nikol Paşinyan parlamentdə bəyan edib.
“Bu prinsiplər haqqında hər kəs bilir. Bu prinsiplər Avropa İttifaqı Şurasının rəhbərinin 2023-cü il iyulun 15-də Brüsseldə verdiyi bəyanatda qeyd olunub.
Prinsiplərdən biri odur ki, Ermənistan və Azərbaycan Ermənistanın ərazisinin 29,8 min kvadrat kilometr, Azərbaycanın ərazisinin isə 86,6 min kvadrat kilometr olduğunu başa düşərək bir-birinin ərazi bütövlüyünü tanıyır. Almatı bəyannaməsi sərhədlərin delimitasiyası və demarkasiyası üçün siyasi əsas olmalıdır"-deyən Paşinyan işlərin hansı kartlara əsaslanacağını razılaşdırmağın vacib olduğunu deyib və əlavə edib ki, bu, 1975-ci ilin xəritələrinə əsaslanmalıdır.
"Bundan əlavə, regionda kommunikasiyaların açılması ölkələrin suverenliyi, yurisdiksiyası, qanunvericilik, bərabərlik və qarşılıqlılıq prinsipləri əsasında baş verməlidir",- deyə Paşinyan bildirib.
Elcan
Missiya.Az
