“Vaşinqton və Brüssel Ermənistan rəhbərliyini KTMT-dən çıxmağa razı salmağa çalışır”.

Missiya.Az xarici KİV-nə istinadən xəbər verir ki,  bunu Rusiya Xarici İşlər Nazirliyinin sözçüsü Mariya Zaxarova deyib.

“İrəvanı KTMT-dən çıxmaqla yanaşı, həm də NATO ilə əməkdaşlığı sürətləndirməyə, hərbi-texniki əməkdaşlığın istiqamətini dəyişməyə və Bakı ilə sülh müqaviləsi imzalamağa inandırırlar”, - deyə siyasətçi vurğulayıb.

O, bildirib ki, bu məqsədlərə nail olmaq üçün qərbpərəstlər insan haqları sahəsində öz dəyərlərini unudub. Məsələn: “Ermənistanda etirazçıların döyülməsi və həbs edilməsinə göz yumublar”.

Zaxarova qeyd edib ki, əgər ABŞ İranda baş verən etiraz aksiyasını görürsə, heç olmasa İrəvanda da baş verənləri görməli idi: 

“Lakin ABŞ susur. Bu, hətta ikili standartlar deyil, bu, standartların olmaması, öz demokratik dəyərlərinin pozulması, mahiyyətcə, suveren dövlətin işlərinə müdaxilədir”, - deyə siyasətçi əlavə edib.

Daşqın Həsənov
Missiya.Az