“Moskva onun siqnallarının İrəvanda eşidiləcəyini və lazımınca qəbul ediləcəyini gözləyir”.

Missiya.Az xarici KİV-nə istinadən xəbər verir ki, bunu Rusiya Xarici İşlər Nazirliyinin sözçüsü Mariya Zaxarova Ermənistan baş naziri Nikol Paşinyanın sentyabrın 24-də müraciəti ilə bağlı Rusiya XİN-in son bəyanatına İrəvanın reaksiyası ilə bağlı sualı cavablandırarkən deyib.

“Düşünürəm ki, hətta kar adam da eşidərdi, bu təkcə Moskvanın reaksiyası məsələsi deyil, bu, bütövlükdə bütün dünyanı bürümüş reaksiya məsələsidir. Təmaslara gəlincə, onlar müxtəlif səviyyələrdə davam edir və biz siqnallarımızın düzgün eşidiləcəyini və qəbul ediləcəyini gözləyirik”, - deyə siyasətçi vurğulayıb.

O, bildirib ki, Rusiya Ermənistanla müttəfiqlik münasibətlərinə həmişə qayğı ilə yanaşıb, heç vaxt onların kəskinləşməsinin təşəbbüskarı olmayıb, ən çətin vəziyyətlərdə erməni xalqına maksimum dəstək verib və bundan sonra da belə olacaq.

Daşqın Həsənov
Missiya.Az