“Macarıstanın Avropa İttifaqının 27 ölkəsinin Qarabağdakı lokal antiterror tədbirlərinə qarşı birgə bəyanatına veto qoyması çox önəmli addımdır. Məhz Macarıstanın vetosundan sonra Avropa İttifaqının xarici işlər və təhlükəsizlik siyasəti üzrə ali nümyəndəsi Cozep Borrell öz adından qərəzli bəyanat verməyə məcbur oldu”.

Bu fikirləri Missya.Az-a açıqlamasında Türk Ağsaqqalları Arasında Əlaqələrin İnişafı İctimai Birliyinin (TAİB) sədri, akademik Sudeif İmamverdiyev səsləndirib.

TAİB rəhbəri bildirib ki, bu təkcə Macarıstan və Azərbaycan arasında dostluq münasibətlərinin deyil, eyni zamanda Macarıstanın ədalətə, beynəlxlaq hüquqa qoyduğu hörmətin göstəricisidir: “Mən, bunu Azərbaycan diplomatiyasının uğuru kimi qəbul edirəm. Macarıstan Azərbaycanın əsas üzvlərdən olduğu Türk Dövlətləri Təşkilatının müşahidəçi üzvüdür və yaxın perspektivdə tam üzv olacağı gözlənilir. Bu həmçinin böyük bir coğrafiyanı əhatə edən türk dövlətlərinin siyasi gücünün göstəricisidir. Azərbaycan türk dövlətlərinin nüvəsini təşkil edir və birliyimiz qlobal səviyyədə gücə çevrilməyimizin əsasıdır. Bu isiqamətdə mövcud olan siyasi iradə onu deməyə əsas verir ki, Türk Dövlətləri Təşkilatı geosiyasi güc mərkəzinə çevriləcək”.

Missiya.Az