“Çeçenistan lideri Ramzan Kadırovun vəziyyəti ağırdır. Kreml Çeçenistanın taleyini həll edərkən onun ölümünü ancaq bir neçə gün gizlədə biləcək”.

Missiya.Az “Kanal 24”ə istinadən xəbər verir ki, bunu rusiyalı müxalifətçi Olqa Kurnosova deyib.

Onun sözlərinə görə, Kadırov Çeçenistandakı vəziyyətə tam nəzarət edir, lakin onun açıq-aydın varisi yoxdur.

“Onun ölümü Çeçenistanda vəziyyətin gərginləşməsinə səbəb ola bilər. Regionlarda vəziyyət nə qədər alovlanarsa, Moskva üçün bunun öhdəsindən gəlmək bir o qədər çətin olacaq. Bütün bunlar isə Rusiya qüvvələrini cəbhədən yayındıracaq”, - deyə siyasətçi vurğulayıb.

Kurnosova bildirib ki, hazırda Kadırovun adamlarının qorxusu ilə etirazlardan qorunan Dağıstanda da vəziyyət pisləşə bilər. 

O, qeyd edib ki, yerli hakimiyyət vəziyyətə tam nəzarət edə bilmir:

"Bu mənada bütün Şimali Qafqaz alov ala bilər. Və burada artıq kimin bu vəziyyəti sakitləşdirə biləcəyi bəlli deyil, çünki Rusiya qoşunları hazırda cəbhədədir. Milli Qvardiya isə bu üsyanın öhdəsindən gələ bilməyəcək", - deyə siyasətçi əlavə edib.

Daşqın Həsənov
Missiya.Az