Havay adalarından birində baş verən yanğınlar nəticəsində ölənlərin sayı 80 nəfərə çatıb.

Missiya. Az xəbər verir ki, bu barədə Havayın Maui dairə idarəsi məlumat verib.

“Xilasedicilər Lahaina, Pulexu və Kixei şəhərlərində yanğınların söndürülməsi və lokallaşdırılması işlərini davam etdirirlər”, - deyə dairənin saytında yerləşdirilmiş məlumatda bildirilib.

Qeyd edək ki, Havay arxipelaqının kiçik adalarından biri olan Maui adasında meşə yanğını çərşənbə günü başlayıb. Güclü külək səbəbindən yanğın qısa zamanda turistik Lahaina şəhərinə də keçib. Nəticədə şəhər bütünlüklə yanıb, insanlar yanğından uzaqlaşmaq üçün okeana üz tutublar. Onlar sahil mühafizəsi və könüllülər tərəfindən xilas ediliblər.