“Azərbaycan-Ermənistan şərti dövlət sərhəddinin Laçın rayonu hissəsində Həkəri çayı üzərində yerləşən körpüdə qurulmuş nəzarət buraxılış məntəqəsinin yaxınlığında asılmış Azərbaycan Respublikasına məxsus bayrağın Rusiya "sülhməramlıları" tərəfindən dirəkdən sökülərək yerə atılması hədsizlik, barbarlıq və mədəniyyətsizlildir”. 

Missiya.Az xəbər verir ki, bunu politoloq Samir Hümbətov deyib. 

Onun sözlərinə görə, Rusiya "sülhməramlıları" bu hərəkəti etməklə həm də onu göstərmiş oldular ki, Azərbaycanın Qarabağ bölgəsində erməni separatizminin dəstəklənməsi onların maraqlarına xidmət edir: 

“Rusiya bütün gücü ilə bölgədə gərginliyin davam etdirilməsində maraqlıdır. Bu isə onu deməyə əsas verir ki, 10 Noyabr Bəyannaməsi öz hüquqi qüvvəsini itirir. Görünür Rusiya "sülhməramlı" qüvvələri bayrağın Azərbaycan üçün nə qədər müqəddəs olduğunu və onun uğrunda can verib, qan tökdüklərini hələdə anlaya bilməyiblər”.