Astara Rayon Polis Şöbəsinin təşkilatçılığı ilə “Narkomaniyaya və erkən nikaha yox deyək!” mövzusunda növbəti maarifləndirici tədbir keçirilib.
Missiya.Az xəbər verir ki, bu barədə Daxili İşlər Nazirliyinin mətbuat xidməti məlumat yayıb.
Pensarda Kənd Folklor evində təşkil olunan görüşdə çıxış edən Astara RPŞ-nin rəis müavini, polis polkovnik-leytenantı Amil Seyfullayev, Gənclər və İdman İdarəsinin rəisi Rufan Şirinov və digərləri bildirib ki, əsrin bəlası olan narkomaniyaya qarşı mübarizəni təmin etmək məqsədilə belə tədbirlərin keçirilməsi mühüm əhəmiyyətə malikdir. Bu səbəbdən məktəblərdə, təlim-tərbiyə müəssisələrində və digər kollektivlərdə maarifləndirmə işləri müntəzəm aparılmalı, hər bir şagird zərərli vərdişlərdən uzaq durmalı, təhsilə və idmana diqqətli yanaşmalı, vətənpərvər olmalı, valideynlərinin və dövlətimizin onlara bəslədiyi etimadı doğrultmağa çalışmalıdır.
Leyla SƏMƏNDƏR
Missiya.Az
