Bu gün Nizami rayonunda Yuri Kavalyov adına 229 nömrəli tam orta məktəbdə  Ulu öndər Heydər Əliyevin anadan olmasının 100 illiyi münasibətilə "Heydər baba biz sənin nəvələrinik" adlı tədbir keçirilib.

Missiya.Az xəbər verir ki, 229 nömrəli məktəb və 59 nömrəli uşaq bağçasının birgə təşkilatçılığı ilə keçirilən tədbirdə Bakı şəhəri üzrə təhsil idarəsinin müdiri Mehriban Vəliyeva, qurumun təmsilçiləri, məktəb direktorları, Missiya Media Qrupunun nümayəndələri, eləcə də məktəbin müəllim heyəti və şagirdlər iştirak ediblər.

Öncə məktəbin həyətində  Ulu Öndər Heydər Əliyevin anadan olmasının 100 illiyi münasibətilə ağacəkmə aksiyası keçirilib.

Daha sonra 229 nömrəli məktəbin "Şahinlər komandası"-nın üzvləri hərbi keçidi izlənilib, şəhidlər abidəsinə gül dəstələri düzülüb.

Sonra 229 nömrəli məktəbin və 59 nömrəli uşaq bağçasının rəqs və xor  kollektivlərinin  çıxışı,   səsləndirilən şer və mahnılar  tədbir  iştirakçıları tərəfindən sürəkli alqışlarla qarşılanıb.

Bakı şəhəri üzrə təhsil idarəsinin müdiri Mehriban Vəliyeva çıxışında Ulu Öndər Heydər Əliyevin Azərbaycanın müstəqil dövlət kimi mövqelərinin möhkəmlənməsi  istiqamətində atdığı tarixi addımlardan, uşaqlara göstərdiyi diqqət və qayğıdan , gənclərin hərtərəfli inkişafı yönün həyata keçirdiyi proqramlardan bəhs edib. Mehriban Vəliyeva məktəbin uşaq bağçası ilə birgə fəaliyyətinə diqqət yönəldərək bu təcrübənin davamlı olmasının zəruriliyini vurğulayıb.

Tədbirin sonunda xatirə fotoları çəkilib

Leyla Səməndər
Missiya.Az