Nizami Rayon İcra Hakimiyyəti, Nizami rayon Gənclər və İdman İdarəsi və Nizami Rayon Mədəniyyət Mərkəzinin birgə təşkilatçılığı ilə “Heydər Əliyev İli” çərçivəsində 03.04.2023-cü il tarixində tam orta məktəblərin şagirdləri arasında "Heydər Əliyev və Azərbaycan tarixi" mövzusunda breyn-rinq intelektual yarış müsabiqəsi keçirilib. Müsabiqədə 18 komanda tərkibində 90 nəfər iştirak edib.

Missiya.Az xəbər verir ki, müsabiqənin ilkin turunun nəticələrinə görə  12,  70, 145, 229 və 272 nömrəli tam orta  məktəblərin komandaları finala vəsiqə qazanıblar. Final yarışmasında 272 nömrəli tam orta məktəbin “Cıdır düzü“ komandası I, 70 nomrəli məktəb-liseyin “Hadrut” komandası II və 145 nömrəli tam orta məktəbin “Laçın” komandası isə II yeri tutublar. Qalib komandalar Rayon İcra Hakimiyyəti tərəfindən kubokla və komanda üzvləri isə Rayon Gənclər və İdman İdarəsinin diplomları ilə mükafatlandırılıblar.

"Heydər Əliyev və Azərbaycan tarixi" mövzusunda keçirilən breyn-rinq intelektual yarış müsabiqəsinin qalibi olmuş 272 nömrəli tam orta məktəbin komandası Ailə, Qadın və Uşaq Problemləri üzrə Dövlət Komitəsi tərəfindən Bakı şəhəri üzrə 1 may 2023-cü il tarixində keçiriləcək intellektual yarışda Nizami rayonunu təmsil edəcəkdir.

Missiya.Az