Bu gün Missiya Media Qrupunun ofisində Nizami rayonunun sakini olan birinci Qarabağ müharibəsi şəhidlərinin ailə üzvlərinin bir qrupu ilə görüş keçirilib. 
 
Media Qrupunun rəhbəri Ramin Əhmədovun tövsiyyəsi əsasında təşkil olunmuş görüşdə Erməni Təcavüzünün Tanıdılması İctimai Birliyinin sədri Səriyyə Müslümqızı da iştirak edib.
 
Missiya Media Qrupunun baş redaktoru Nicat Dağlar qonaqları salamlayaraq onları bayram münsibətilə təbrik edib. O, təmsil etdiyi Media Qrupunun həyata keçirdiyi sosial layihələrdən danışıb. Nicat Dağlar həmçinin şəhid aiələri və qazilərin yaşayış səviyyəsinin yüksəldilməsi istiqamətində dövlətin həyata keçirdiyi tədbirlərdən də ətraflı şəkildə bəhs edərək Prezident İlham Əliyev və birinci vitse-prezident Mehriban xanım Əliyevanın şəhid ailələri və qazilərə dogma münasibət göstərməsinə diqqət yönəldib. 

Şəhid ailələrinin təmsilçiləri də dövlətin onlara göstərdiyi yüksək münasibətdən razı qaldıqlarını bildiriblər.
 
İctimai birlik sədri, tanınmış yazar Səriyyə Müslümqızı da öz növbəsində Nizami rayonunda şəhid ailələri və qazilərə göstərilən diqqətdən danışıb və Missiya Media Qrupunun sosial layihələrinin təqdirəlayiq olduğunu vurğulayıb.
 
Sonda qonaqlara Missiya Media Qrupunun bayram hədiyyələri təqdim olunub.