“Ermənistana qaytarılan bütün əsirlər dindirilir”.

Bu barədə Ermənistan İstintaq Komitəsinin mətbuat katibi Vardan Tadevosyan bildirib.

Qeyd edilib ki, bu gün Azərbaycanın Ermənistana təhvil verdiyi 8 erməni hərbçi İstintaq Komitəsində dindirilir.
Virtualaz.org xəbər verir ki, bu faktdan xəbər tutan hərbçilərin yaxınları səs-küy yaradıb, istintaq idarəsinin şüşələrini sındırmağa cəhd ediblər.

Xatırladaq ki, Azərbaycan humanizm prinsipini rəhbər tutaraq, bu gün 8 nəfər erməni əsilli hərbi qulluqçunu Ermənistan tərəfinə qaytarıb.

Həmin şəxslərin bir qismi 2021-ci ilin 16 noyabr tarixində Ermənistan silahlı qüvvələrinin dövlət sərhədinin Kəlbəcər rayonu istiqamətində törətdiyi təxribatın qarşısı alınarkən saxlanılan hərbi qulluqçulardır.

Qafqazinfo”