«EmpaTV Sosial -Psixoloji Media» 1 illiyini psixoloq və mətbuat nümayəndələri ilə qeyd edib.

Missiya.Az-ın xəbərinə görə tədbirdə Pravda.az , Üç.az, İn News.media, Hit.az, Media Baku.az, Hökm.az, Express xəbərlər, Korrupsiya.az saytlarının əməkdaşları, Klinik psixoloq Heyran İbrahim, Psixoloq Günay Hüseynli, Zəhra Zahidova, Gülnar Orucova və Nabat Mirzəyeva,Pro fighter MMA & coach Tünzalə İmanlı iştirak ediblər.

Açılışda EmpaTV-nin rəhbəri jurnalist Sevinc Rəcəbova media orqanının 1 illik fəaliyyəti barədə məlumat verib.

O deyib ki, sözügedən media qurumunun məqsədi sosial-psixoloji, eyni zamanda psixoloq, sosioloq, astroloq, yaşam koçları və s. layihələrini reallaşdırıb ictimaiyyətə təqdim, insanlara psixoloji dəstək və maarifləndirmə istiqamətində bütün növ proqram və sujetlərin həyata keçirilməsinə xidmət etməkdir.

Daha sonra EmpaTV Psixoloq Zəhra Zahidovanın «Bioenerji» adlı tanıtımını təqdim edib. Qeyd edək ki, bu qurum Azərbaycanda ilk Sosial-Psixoloji Mediadır.