Azərbaycan Milli Elmlər Akademiyasında Arxeologiya, Etnoqrafiya və Antropologiya İnstitutu, Folklor İnstitutu, Dünya Türkologiya Mərkəzi və Türk Ağsaqqalları İctimai Birliyinin Qadınlar Şurasının birgə təşkilatçılığı ilə “Novruz ənənələri: qadın yaradıcı, qoruyucu və ötürücü kimi” mövzusunda beynəlxalq elmi konfrans keçirilib.

Missiya.Az xəbər verir ki, türk qadınlarının əl işlərinin nümayiş etdirildiyi sərginin ardınca beynəlxalq elmi konfrans öz işinə başlayıb.

Konfransda tarix elmləri doktoru, professor Abbas Seyidov, akademik Gövhər Baxşəliyeva, akademik Arif Həşimov, tarix elmləri doktoru Güllü Yoloğlu, eləcə də ayrı-ayrı türk xalqlarının nümayəndələrindən Dinara Appasova, Rauza Sultanova, Elmira Yusifli, Talqat Muxanov, Ağaverdi Xəlil və digər elm adamları çıxış ediblər. Qeyd olunub ki, tarixin bütün dövrlərində və eləcə də bu gün türk xalqlarının qadın siyasətçiləri öz ağlı, düşüncəsi və liderlik xüsusiyyətləri ilə hər zaman fərqləniblər.

Daha sonra konfrans bölmə iclasları ilə davam edib.

Zərintac Mayisqızı
Missiya.Az