Bu ilin payızından etibarən Rusiyada miqrantlar üçün yeddi yeni dövlət rüsumu tətbiq olunacaq. 

Missiya.Az xəbər verir ki,  bu  barədə “İzvestiya” Maliyyə Nazirliyinin qanun layihəsinə istinadən məlumat yayıb.

Məsələn, digər ölkələrin vətəndaşları yaşayış yerində qeydiyyatdan keçmək üçün 500 rubl ödəməli olacaqlar. Bundan əlavə, müvəqqəti qalma müddətinin uzadılması (min rubl) və iş icazəsi üçün 4,2 min rüsum tutulacaq.

Müəyyən sənədlərin dublikatlarının verilməsinə və onlara dəyişiklik edilməsinə görə də rüsumlar tutulacaq. Bu halda söhbət iş icazələri və patentlərdən gedir. Müvafiq sənədin alınması və ya ona düzəlişlərin edilməsi 2,1 min rubla başa gələcək. Patentin verilməsi və ya yenidən rəsmiləşdirilməsi üçün 4,2 min rubl rüsüm tələb olunacaq.

Əcnəbilərin yaşayış yerində qeydiyyata alınması üçün dövlət rüsumu 420 rubldan min rubla qədər artacaq.

Elcan

Missiya.Az