ABŞ-nin həftə sonu İranın üç nüvə obyektinə endirdiyi hərbi zərbələr ölkənin nüvə proqramının əsas komponentlərini məhv etməyib.

Missiya.Az xəbər verir ki, bu barədə CNN məlumat yayıb.

Media orqanının verdiyi məlumata görə, daha əvvəl bildirilməyən qiymətləndirmə Pentaqonun kəşfiyyat qolu olan Müdafiə Kəşfiyyat İdarəsi tərəfindən hazırlanıb.

Mənbələrdən biri bildirib ki, bu, Amerikanın zərbələrindən sonra ABŞ Mərkəzi Komandanlığının apardığı döyüş zərərinin qiymətləndirilməsinə əsaslanır. Obyektlərə dəyən zərərin və zərbələrin İranın nüvə ambisiyalarına təsirinin təhlili davam edir və daha çox kəşfiyyat məlumatı əldə olunduqca dəyişə bilər.

Lakin ilkin tapıntılar ABŞ prezidenti Donald Trampın zərbələrin İranın uranı zənginləşdirmə obyektlərini “tamamilə məhv etdiyi” barədə təkrarlanan iddiaları ilə ziddiyyət təşkil edir.

Bununla belə, qiymətləndirmə ilə tanış olan iki mənbə İranın zənginləşdirilmiş uran ehtiyatının məhv edilmədiyini, bir mənbə isə sentrifuqaların əsasən “sağlam” olduğunu bildirib.

Başqa bir mənbə bildirib ki, kəşfiyyat məlumatları zənginləşdirilmiş uranın ABŞ-ın zərbələrindən əvvəl ərazilərdən çıxarıldığını göstərir.

Elcan

Missiya.Az