Bəzi ümumi dərmanların uzunmüddətli istifadəsi demensiyanın (unutqanlığın ön planda olduğu bir çox xəstəliyə verilən ümumi bir addır. Xüsusilə yaşlı insanlar arasında tez-tez rast gəlinir, müxtəlif xəstəliklərdən qaynaqlanır) inkişaf riskini təxminən 50% artıra bilər.

Missiya.Az xəbər verir ki, bu barədə “İzvestiya”ya rusiyalı gerontoloq Anna Şelobanova danışıb.

Mütəxəssis qeyd edib ki, hətta reseptsiz satılan dərmanlar da diqqətli istifadə tələb edir. Risk qrupuna məşhur antidepresanlar da daxildir ki, uzun müddət qəbul edildikdə koqnitiv pozğunluqların ehtimalını 3,5 dəfə artırma ehtimalı var:  "Antidepresanlar serotonin və norepinefrin balansını dəyişdirərək beyin kimyasına təsir göstərir. Həmin prosesə daimi müdaxilə sinir hüceyrələrinin fəaliyyətini poza və idrak fəaliyyətinin tədricən azalmasına səbəb ola bilər".

Zərintac Mayisqızı
Missiya.Az