“Ukrayna Amerika tərəfinin təklif etdiyi Rusiya ilə hərtərəfli atəşkəsə razılaşıb. Hazırda atəşkəs üçün əsas maneə Rusiya Prezidenti Vladimir Putindir”.

Missiya.Az xəbər verir ki, bu sözləri ABŞ Prezidentinin Ukrayna üzrə xüsusi nümayəndəsi Keyt Kelloq “Fox News” telekanalına müsahibəsi zamanı deyib.

Onun sözlərinə görə, bütün şərtlər Ukraynanın ürəyincə deyil, lakin biz belə nəticəyə gəlirik ki, bizim getməli olduğumuz yol budur.

Kelloq bildirib ki, tərəflər mümkün atəşkəsə yaxındır.

"Düşünürəm ki, biz atəşkəsə yaxınıq. Bunu isə edəcək yeganə şəxs ABŞ Prezidenti Donald Trampdır. Amma bu məsələdə Putin razılaşmır və bizim tərəqqiyə mane olan Kreml rəhbəridir", - deyə siyasətçi vurğulayıb.

Daşqın Həsənov
Missiya.Az