“Qərb ölkələrinin təcavüzü halında Rusiya nüvə silahından istifadə etmək hüququnu özündə saxlayır”.

Missiya.Az xəbər verir ki, bunu Rusiya Federasiyası Təhlükəsizlik Şurasının katibi Sergey Şoyqu “TASS”a müsahibəsində deyib.

“2024-cü ilin noyabrında Rusiya Federasiyasının nüvə silahının qarşısının alınması sahəsində dövlət siyasətinin əsaslarına düzəlişlər edilib ki, ona görə Rusiya ona və ya Belarus Respublikasına qarşı təcavüz zamanı nüvə silahından istifadə etmək hüququnu özündə saxlayır”, - deyə siyasətçi vurğulayıb.

Şoyqunun sözlərinə görə, Rusiya Avropa ölkələrinin hərbi hazırlıqlarını diqqətlə izləyir:

“Rusiya Federasiyasının Milli Təhlükəsizlik Strategiyasına uyğun olaraq, xarici dövlətlər tərəfindən Rusiya Federasiyasının suverenliyinə və ərazi bütövlüyünə təhlükə yaradan qeyri-dost hərəkətlərə yol verildiyi halda, ölkəmiz bu cür hərəkətlərin və onların təkrarlanmasının qarşısını almaq üçün zəruri olan simmetrik və asimmetrik tədbirlərin görülməsini qanuni hesab edir”, - deyə siyasətçi əlavə edib.

Daşqın Həsənov
Missiya.Az