Müğənni Əminə Şirin həmkarı Manaf Ağayevin "toyxana görməyən şəxs heç vaxt sənətkar ola bilməz" ifadələrini tənqid edib.

Missiya.Az xəbər verir ki, Əminə bu barədə öz instaqram hesabında məlumat yayıb.

“Bir toy müğənnisinin videosu çıxdı qabağıma. Əslində bu sözlərə təəccüblənmədim, amma musiqimizin və məktəb keçib, dərs deyən sənətkarlarımızın adına elə içi özüm daxil çox üzüldüm. Necə yəni toyxana görməyən adam heç vaxt sənətkar ola bilməz. Toyxanada sən ancaq ayaq üçün oxuyursan, sonrada şabaş yığıb əlində video çəkib paylaşırsan. Biz belə ifaçıya sənətkar deyək? Biz isə ayaq üçün yox, baş üçün ifa edirik. Ruha və qəlbə xidmət edən musiqini təqdim edirik. Bunları bir susduran olacaq ya yox? Bəsdirin də ayıbdı... Toya hamımız gedirik, qazanc yerimizdi, amma toy məktəb deyil. Özünüz öz musiqinizin düşməni kəsilmisiz? Bunlara dəstək duran millət, əsil sənətkarların elə sizin kimi zövqsüz dinləyicilərə görə qazancı azdı! Ölənə qədər sizinlə bu muharibəni aparacağam. Şübhəsi olan mikrafonu götürsün gəlsin”, - ifaçı bildirib.

Zərintac Mayisqızı
Missiya.Az