“ABŞ Prezidenti Donald Trampla danışıqlar İran hökumətini xilas etməyəcək”.

Missiya.Az xəbər verir ki, bunu İran əsilli amerikalı tədqiqatçı Məcid Məhəmmədi deyib.

Onun sözlərinə görə, İranın ayaqda qalması üçün həll yollarından biri ölkənin ali dini rəhbəri Seyid Əli Xameneinin ölümü və ya bu hökuməti qorumaq üçün Tehranın siyasətini əsaslı şəkildə dəyişdirə biləcək bir varisin lehinə hakimiyyətdən istefa verməsidir. 

Məcburi hicabın, ABŞ və İsrailin Xameneinin qırmızı xətləri olduğunu bildirən Məhəmmədi deyib: 

“Son iki ildə İranda baş verənlərdən sonra məcburi hicab qırmızı xəttdən çıxarılıb. ABŞ ilə bağlı isə Xameneinin davranışı tam uğursuzluqla nəticələnib. İsrail ilə isə çətin ki, danışıqlar aparılsın. Səbəb nə olursa olsun, bu proseslərin İslam Respublikasında ciddi ideoloji çatlar yaratdığı görünür. İran Prezidenti Məsud Pezeşkianın özü də deyir ki, ölkəsi uçurumun kənarındadır”, - deyə tədqiqatçı vurğulayıb.

Daşqın Həsənov
Missiya.Az