Xalq artisti Tünzalə Ağayeva media nümayəndələri ilə restoranların birində görüş keçirib. 

Missiya.Az xəbər verir ki, görüş zamanı pop ulduz və jurnalistlər gündəm, musiqi, bu sahədə əldə olunan irəliləyişlərdən, boşluqlardan və digər mövzular ətrafında fikir mübadiləsi aparıblar.

Sevilən müğənni Tünzalə Ağayeva çıxışı zamanı deyib: "Trend-ə düşmək üçün iş görmürəm. Mən trend yaradıram, öz üslubum var. Sevinirəm ki, mahnılarım müxtəlif zövqlərə xitab edir. Necə ki, mənim istedadımı üzə çıxarmaq üçün sənətkarlar çalışıb. Mən də layiq olan birini yetişdirmək istəyərəm".

Olduqda səmimi keçən görüşdə qeyd edilib ki, kiminsə oxuduğu musiqinin izləyici sayının yüksək olması hələ onun əsl sənət olduğu anlamına gəlmir.

Müzakirə zamanı habelə bəzi bayağı verilişlər, mediada hansısa tanınmış haqqında xəbərin reytinq xatirinə yanlış təqdim edilməsi də tənqid olunub.