Çin digər ölkələrə ABŞ-la Pekinin maraqlarına xələl gətirə biləcək ticarət sövdələşmələrinə girməmək barədə xəbərdarlıq edib.

Missiya.Az xəbər verir ki, bu barədə "Bloomberg" məlumat yayıb.

Ticarət Nazirliyinin bu gün yaydığı bəyanatda deyilir: "Çin ölkələrin Birləşmiş Ştatlarla ticarət mübahisələrini həll etmək hüququna hörmətlə yanaşsa da, “hər hansı bir tərəfin Çinin maraqları bahasına sövdələşməsinə qəti şəkildə qarşı çıxır. Bu baş verərsə, Pekin heç vaxt bunu qəbul etməyəcək və buna cavab olaraq sərt tədbirlər görəcək. Çin bütün tərəflərlə həmrəyliyi və koordinasiyanı gücləndirməyə, birtərəfli təzyiqlərə qarşı birgə müqavimət göstərməyə hazırdır".

Həmin xəbərdarlıq ölkələr ABŞ prezidenti Donald Trampın 60-a yaxın ticarət tərəfdaşına tətbiq etdiyi və sonradan dayandırdığı tariflərin azaldılması və ya azad edilməsi üçün Birləşmiş Ştatlarla danışıqlara hazırlaşdığı bir vaxta təsadüf edir. Bunun əvəzinə, Vaşinqton onları Çinlə ticarəti məhdudlaşdırmağa və ölkənin tariflərdən yan keçməyin yollarını tapmamasını təmin etmək üçün Pekinin istehsal gücünü məhdudlaşdırmağa məcbur edir.

Zərintac Mayisqızı
Missiya.Az