“İran bölgənin məsələlərinin ancaq region ölkələrinin iştirakı ilə həll oluna biləcəyinə inanır”.

Missiya.Az xəbər verir ki, bunu İranın xarici işlər naziri Abbas Əraqçı “Russia Today”ə müsahibəsində deyib.

“Tehranın Cənubi Qafqazdakı siyasəti koordinasiya olunub. Biz bir-birimizlə daim məsləhətləşirik. Keçmişdə bölgə ölkələrinin iştirakı ilə birgə iclaslar keçirilib və bu yaxınlarda biz “3+3” formatını başlatdıq ki, bu da üç ölkə Azərbaycan, Gürcüstan, Ermənistan, üstəlik İran, Türkiyə və Rusiya arasında həyata keçirilir”, - deyə siyasətçi vurğulayıb.

Onun sözlərinə görə, xarici qüvvələrin mövcudluğu bu bölgədə təhlükəsizliyə kömək etməyəcək, əksinə, zərərli olacaq. 

“Bakı ilə İrəvan arasında sülh müqaviləsini dəstəkləyirik və inanırıq ki, sənədin imzalanması ilə region yeni mərhələyə qədəm qoyacaq və iqtisadi, siyasi, kommunikasiya əməkdaşlığı daha uğurlu forma alacaq”, - deyə Əraqçı bildirib.

Daşqın Həsənov
Missiya.Az