“Hazırda Ermənistan Konstitusiyasının yeni variantının hazırlanması ilə məşğul olan komitə artıq yaradılıb. Dəyişikliklərin hansı hüquqi mexanizmlər əsasında aparılmalı olduğu müzakirə edilir. Komissiyanın işinin 2026-cı ildə başa çatdırılması planlaşdırılır ki, bu da Ermənistanda növbəti parlament seçkiləri ilinə təsadüf edir”.

Missiya.Az xəbər verir ki, bu barədə Ermənsitanın xarici işlər naziri Ararat Mirzoyan Türkiyə KİV-ə verdiyi müsahibəsində məlumat verib.

O bildirib ki, Konstitusiyaya dəyişikliklərlə bağlı məsələ hazırkı hakimiyyətin gündəmində qalır və onlar bu prosesi həyata keçirmək əzmindədirlər.

"Ermənistanda demokratik inqilab baş verəndə və indiki hakim partiyamız hakimiyyətə gələndə biz demək olar ki, dərhal bəyan etdik ki, Konstitusiyamıza dəyişikliklər edəcəyik. Bu, təkcə mövcud Konstitusiyaya əlavə deyil, həm də yeni Konstitusiya olacaq", - deyə Mirzoyan vurğulayıb.

Daşqın Həsənov
Missiya.Az