İstanbul Əyalət Valiliyi martın 23-dək əyalətdə bütün mitinqləri qadağan etmək qərarına gəlib, həmçinin bir neçə mərkəzi metro stansiyaları və magistral yollaı bağlanıb. Qərar şəhərin müxalif meri Ekrem İmamoğlunun terror və korrupsiya ilə bağlı istintaq çərçivəsində həbsi fonunda verilib.

Missiya.Az Türkiyə mediasına istinadən xəbər verir ki, əyalət hökuməti sosial şəbəkələrdə ictimaiyyətə “qarşıdakı dörd gün ərzində, yəni martın 23-dək əyalətin hər yerində hər hansı kütləvi tədbirin keçirilməsi qadağandır” xəbərdarlığını edib. “Bütün əyalətdə ictimai asayişin qorunması və mümkün təxribat xarakterli hərəkətlərin qarşısının alınması məqsədilə martın 19-dan 23-dək 4 gün müddətində hər hansı mitinq, nümayiş və mətbuat bəyanatı qadağandır”.

Çərşənbə günü İstanbulun mərkəzində ondan çox əsas yolda da nəqliyyat bağlanacaq. Bundan əlavə, ənənəvi olaraq yürüş və mitinqlərin keçirildiyi eyniadlı meydana aparan Taksim stansiyası və İstiqlal prospekti də daxil olmaqla bir neçə metro stansiyası giriş-çıxış üçün müvəqqəti bağlanacaq.

Elcan

Missiya.Az