Ermənistanın xarici işlər naziri Ararat Mirzoyanla niderlandlı həmkarı Kaspar Veldkamp iki ölkə arasında strateji tərəfdaşlıq haqqında bəyannamə imzalayıb.

Missiya.Az “Armenpress”ə istinadən xəbər verir ki, bu barədə Ermənistanın xarici işlər naziri Ararat Mirzoyan Veldkampla keçirdiyi birgə mətbuat konfransı zamanı məlumat verib. 

Mirzoyan bildirib ki, bu sənədin imzalanması iki ölkə arasında münasibətləri yeni səviyyəyə qaldırır və bu, çoxtərəfli əməkdaşlığa töhfə verəcək.

“Bu gün biz tərəfdaşlığın yeni mərhələsinə qədəm qoyuruq. Bu, həm simvolik, həm də məcburi xarakter daşıyan yeni mərhələdir, ona görə də hamımızı bu səviyyəyə çatmağınız münasibətilə təbrik edirəm”, - deyə erməni nazir vurğulayıb.

Daşqın Həsənov
Missiya.Az