ABŞ Beynəlxalq İnkişaf Agentliyinin (USAİD) rəhbərliyi işçilərə sənədləri, ilk növbədə rəsmi sənədləri məhv etməyi əmr edib. 

Missiya.Az xarici mediaya istinadən xəbər verir ki, bu barədə “Politico” daxili bülletenlərə  istinadən məlumat yayıb.

USAID-in icraçı direktoru vəzifəsini icra edən Erika Karr agentliyin Vaşinqtondakı baş qərargahında arxivdə olan kağız sənədlərin davamlı olaraq parçalanması və yandırılması əmrini verib. Gizli seyflərdəki sənədlər birinci növbədə məhv edilməlidir.

Arxivlərin məhv edilməsi ilə yanaşı, onların tutduqları yerlər də digər qurumlara - ABŞ İmmiqrasiya və Gömrük Xidmətinə veriləcək.

Birləşmiş Ştatlar həmçinin Birləşmiş Millətlər Təşkilatının İnsan Hüquqları üzrə Ali Komissarlığının (OHCHR) bəzi layihələrini, o cümlədən Ukrayna ilə bağlı layihələrini maliyyələşdirməyi də dayandırıb və bu, bir sıra proqramların bağlanmasına səbəb olub.

Bu layihələr ABŞ Beynəlxalq İnkişaf Agentliyi (USAID) və ABŞ Dövlət Departamenti tərəfindən maliyyələşdirilirdi.

Elcan

Missiya.Az