Bu gün Naxçıvanın enerji təhlükəsizliyinin təmin olunması xüsusunda çox əhəmiyyətli bir layihənin - İğdır-Naxçıvan qaz kəmərinin açılışı oldu. 

Bu enerji layihəsi iki qardaş ölkə arasında münasibətlərin daha da dərinləşməsinə səbəb olmaqla yanaşı, bütövlükdə türk dünyasına faydalı olacaq digər layihələrin reallaşmasına da şərait yaradacaq.

Missiya.Az xəbər verir ki, bunu Türk Ağsaqqalları İctimai Birliyi – TAİB-in təsisçisi, Missiya Media Qrupunun rəhbəri Ramin Əhmədov özünün facebook səhifəsində paylaşıb. 

Ramin Əhmədov qeyd edib ki, Cənab Prezidentin dediyi kimi, bizim birgə həyata keçirdiyimiz enerji layihələrimiz, eyni zamanda nəqliyyat layihələrinin reallaşdırılmasına da imkan verdi: "Bu gün Türkiyəni Azərbaycanla birləşdirən Bakı-Tbilisi-Qars dəmir yolu çox gözəl üstünlüklər təmin edir. Həm ölkələrimiz üçün, həm də daha geniş coğrafiya üçün, xüsusilə Türk dünyasını birləşdirmək üçün bu nəqliyyat xəttinin çox böyük mənası var, çox böyük faydası var".

Ölkələrimiz, xalqlarımız üçün xeyirli olsun!- deyə TAİB təsisçisi bildirib.

Nurlana Əhmədova

Missiya.Az