Hər il martın 5-i Azərbaycanda Bədən Tərbiyəsi və İdman Günü kimi qeyd olunur.

Missiya.Az xəbər verir ki, bu Azərbaycan Prezidenti İlham Əliyevin “Bədən Tərbiyəsi və İdman Günü”nün təsis edilməsi haqqında 4 mart 2005-ci il tarixli Sərəncamına əsasən keçirilir.

Dövlətimizin hər sahəyə olduğu kimi idmana da diqqət ayırması Azərbaycanın həmin istiqamətdə də böyük uğurlar qazanması ilə nəticələnir.

Bədən Tərbiyəsi və İdman Gününün martın 5-də qeyd olunması isə təsadüfi deyil. Məhz 1995-ci il martın 5-də Ulu Öndər Heydər Əliyev Bakı İdman Sarayında dünya və Avropa çempionatlarının qalibləri və mükafatçıları ilə görüşüb, İdman Fondunu təsis edib, bədən tərbiyəsi və idmanın inkişafında yeni strategiyanın təməlini qoyub. 1997-ci ildən Milli Olimpiya Komitəsinə rəhbərlik edən Prezident İlham Əliyevin uğurlu idman siyasəti nəticəsində Azərbaycan dünyanın qabaqcıl idman ölkələri sırasındadır. İdman yarışlarının təşkilində də ölkəmiz böyük təcrübəyə malikdir.

Hər il Azərbaycanda beynəlxalq və yerli turnirlər keçirilir. Təkcə paytaxt Bakıda yox, regionlarımızda da müxtəlif idman turnirləri yüksək səviyyədə təşkil olunur.

Zərintac Mayisqızı
Missiya.Az