“Ermənistan Avropa İttifaqına (Aİ) yalnız referendum yolu ilə qəbul edilə bilər, başqa variant yoxdur”.

Missiya.Az “NEWS.am”a istinadən xəbər verir ki, bunu Ermənistanın baş naziri Nikol Paşinyan hökümətin bu gün keçirilən iclasında deyib.

Onun sözlərinə görə, istənilən ssenaridə Ermənistan Aİ-yə yalnız o halda üzv ola bilər ki, referendum təyin edilsin.

"Amma onu da qeyd etmək lazımdır ki, bu qanunun qəbulu zamanı bizim müəyyən hərəkətlər barədə təsəvvürümüz olmalıdır. Mənim fikrim odur ki, bu qanunun qəbulundan sonra qanuna uyğun olaraq, biz Aİ ilə onların təsəvvür etdiyi yol xəritəsini müzakirə etməliyik və bizim təsəvvür etdiyimiz yol xəritəsini birlikdə hazırlamalıyıq”, -  deyə Paşinyan bildirib.

Daşqın Həsənov
Missiya.Az