Rusiya Prezidenti Vladimir Putin ilin yekunlarına həsr olunmuş konfransda geniş çıxış edib.

Missiya.Az xəbər verir ki, Putin Suriyada baş verən hadisələrin Rusiyanın məğlubiyyəti olmadığını bildirib. "Rusiya ümumilikdə Suriyada öz məqsədlərinə çatıb", - o qeyd edib.

Rusiya lideri həmçinin əlavə edib ki, o, Suriyanın keçmiş prezidenti Bəşər Əsəd Moskvaya gəldikdən sonra hələ onunla görüşməyib, lakin bunu planlaşdırdığını deyib.

Putin habelə başqa məsələlərə də toxunub. Rusiya prezidenti ABŞ-nin yeni seçilmiş Prezidenti Donald Trampla görüşə hazır olduğunu bəyan edib: "Mən onunla nə vaxt görüşəcəyimizi bilmirəm. Çünki o bu barədə heç nə demir. Mən onunla dörd ildən çoxdur, ümumiyyətlə, danışmamışam. Əlbəttə, istənilən vaxt onunla görüşməyə və danışmağa hazıram".

Ukrayna ilə bağlı isə belə deyib: "Ukraynada meydanda vəziyyət kəskin şəkildə dəyişir, biz bütün cəbhə xəttində irəliləyirik. Əsgərlərimiz hər gün kvadrat kilometr əraziləri geri alır. Biz Ukraynada prioritet məqsədlərimizə çatmaq üzrəyik, irəliləyirik. Kurskun nə vaxt nəzarətə alınacağı ilə bağlı dəqiq vaxt verə bilmərəm. Münaqişələr davam edir, biz onları mütləq məğlub edəcəyik”.

Zərintac Mayisqızı
Missiya.Az